Jowai, Naitung 02: Ka Dorbar Shnong Ratacherra ka pdiang sngewbha da ka ba sngewnguh ia ka Sorkar jylla kaba la ialeh shitom ban wanrah ia ka ophis jong ka
Transportation kaba dei ka ophis ban peit ia ka kit ka bah jong ki kali kiba dei iaid lyngba u ne u surok NH-44 uba dei iaid lyngba ka shnong Ratacherra kaba don ha khappud jong ka Jylla ban pyniasoh ia kiwei pat ki Jylla kum ka Assam, Mizoram,Tripura, bad Manipur.
Na ka liang jong u Rangbah Shnong Ratacherra u Ma Khamsngurbha Pohiing u la pynpaw ia jing sngew kmen kaba khraw, hadien ba ka jingiai dawa na ka sorkar ban wanbuh noh ia ki ophis sorkar kiba dei ban don ha ki shnong khappud jong ka jylla, khnang ba ka jylla hi kan nanglah ban pynkhlain shuh shuh ia ka jingtreikam da kaba pynroi lane pynkiew ia ki shnong khappud kiba long kum ka stieh ban iada ia u pud u sam jong ka Meghalaya ong u Ma Khamsngurbha Pohing Rangbah Shnong Ratacherra.
Ka Dorbar shnong Ratacherra hapoh ka jingialam jong u Ma Khamsngurbha Pohing kum u Rangbah Shnong ka la pynpaw ia ka jingsngew nguh ia ka Sorkar Jylla bad ruh ia u Myntri ka tnad Transportation bah HDR Lyngdoh uba la shim khia ia kane ka kam ban pyndep hok iala ka kamram kum u nongmih khmat ban peit ia ka jingdonkam ka ban ai jingmyntoi ia ka Sorkar, khamtam ban wanrah ka jingia dei kaba jan ia ki shnong ki
thaw bad ka sorkar.
Ka jingdon jong ka ne ka ophis sorkar ha Ratacherra, ym tang ba ka wanrah jingmyntoi ia ka Jylla hynrei ka ka long pynban kum ka jingpynskhem shuh shuh ia u Pud u sam jong ka Jylla ba ngi dei ki trai Ri trai khyndew ha ki jaka khappud jong ka Jylla Meghalaya ong u tei u Rangbah Shnong Ratacherra.(SP News)
