Shillong, Nailur 03: Ha dien ba u Bah Adelbert N
ongrum MLA bad MDC jong ka party KHNAM u la phah ia ka shithi sha ka seng bad weng noh ia lade kum u Working President ka CEC, na ka liang ka seng kala phah ia ka shithi sha u kata naduh ka 23/7/18, bad la dep ba yn pynshai ha khmat jong ka seng ia ka jingkwah ban hiar shuki na ka kam kaba u bat mynta bad ka seng ka kyrpad ba ynda kylla thiah kylla dem bad ban pyrkhat bad ba un weng noh ia kane ka shithi ieh noh kam khnang ba kin dang lah ban pyndep ia shibun ki mat jong u paidbah bad ka jaidbynriew.
Ka KHNAM ha kane ka jingpan jingpynshai phewse ka long pynban da khongpong bad ka don ka jingthmu pynban wat ban pynieng kyrtong pyrshah ia u Bah Bah Thomas Passah uba long u Vice President ka seng bad ha ka juh ka por u President State Youth Wing, u ba ka seng ka la rai ym da ka jingniewshiliang khmat, hynrei lyngba kikam kiba u la trei na ka bynta ban kyntiew ia ka seng bad khamtam ia ka imlang ka sahlang bad ban turshaphrang halor kiba bun ki mat jong u paidbah bad khamtam ki samla trairi traimuluk.
Ka jingtrei kam, ym tang mynta hynrei na duhba u la pyniasnoh ia lade bad ka seng na duh ki snem ba mynshuwa. Ka seng ka ai ka jingkyrshan bor bah ia u da ka ba pynshong nongrim ruh ia ka nongrim kaba skhem bad ia ka mynsiem shakri jong u, hynrei sngew lyngngoh ba u Bah Adelbert u dang wad ia u kyrtong u baskhem ka nongrim ha ba na la iing la don lypa u baka seng ka thmu ban pynieng.
Ka seng kan pynieng bad jied hi ia ki kyrtong ki ban shakri bad pyndep hok ia ka deiti ka jong ki na ka bynta u paidbah ym naka bynta ki MLA. Namar kata, kane ka jingleh ka long kaba ka seng kam sngewlah pdiangshuh bad ka la tam ia u pud jong ka jingiaishah jong ka seng.
Kumta, ka CEC ha ka jingialang kaba la long ha ka 3/9/18 ka pynpaw ka jingsngewkhia bahakajaka ban phah ia ka jingthoh sha ka CEC hynrei kila iohi pynban lyngba ki lad pathai khubor ba U Bah Adelbert Nongrum yn nym weng ia kane ka shithi ieh nohkam bad ba u dang wad kyrtong ban pynieng pyrshah ia ki kyrtong ka seng.
Ka seng kam don lad shuh da kum wei pat, hynrei naka bynta ban lait na ki jingkynthoh kynthah khlem nongrim bad ban iaid beit iaid ryntih ki jingtreikam ka seng,kila la rai ban pdiang noh ia ka shithi ieh nohkam ka jong u Bah Adelbert na duh mynta ka sngi 03-09-2018.Ha kajuh ka por, la pdiang ruh ia ka jingieh noh kam jong u Bah THS Bonney, Working President bad ka seng ka la rairuh ban ym pynieng kyrtong shuh ha kane ka Election MP 2019. Kane ka long katkum ka kyrwoh kaba la phah da u Bah Bah Freewelson Marpna, General Secretary ka KHNAM.
