Shillong, Lber 02: Mytna ka sngi ki nonghikai SSA ha dien ba kila pdiang ia ka rai jong ka sorkar ban siew shuwa ia ka tulop ar bnai mynta u bnai bad ia ka lai bnai kaba sah yn sa siew mar ia ioh ka sorkar pdeng.
U Bah Aristotle Rymbai president ka MSSASA haba kren ha ki lat pathai khubor ha dien ka jigniakynduh ia u mytnri ka tna dpule ka sorkar Meghalaya la ong ba ha kane ka jingia kren ka sorkar kala kular ban siew noh ar bnai ka tulop na ka bhah jong ka sorkar jylla bad ia kaba sah lai bnai yn siew mar ia ioh na ka sorkar pdeng.
Na ka liang jong ki nonghikai kila pdiang ia kane ka jingtyrwa jong ka sorkar, hynrei ha ka juh ka por ki dang iai bud dien ia ka tulop kaba dangsah lai bnai, kane ka jingiakynduh ha pdeng ki nonghikai SSA bad u mytnri kam pule ka jylla ka long ha dien bala iaid paidbah ki nonghikai kane ka nongbah Shillong.
Mynta ka sngi ki nonghikai skul ba dei na ka skhim SSA hapoh jong ka lama MSSASA kila pynlong ia ka jingiaid paidbah na jaka ieng bos ha Polo sha duh Raj Bhavan da ka jingthmu ban leit tur sha Secretariat.
Haba ki nonghikai kila poi sha lyngdet ka surok Raj Bhavan, na ka liang jong ki pulit ki khlem ai lad ba kin tur sha Secretariat wat la ki nonghikai kila pyrshang ban thom da ka bor ban iaid sha secretariat da kaba bthah ia ki nongialam ka MSSASA ba kin pynsngewthuh ia ki para nonghikai.
Ha ka juh ka por ki magistrate kiba don ha kane ka jaka kila pyntip ba u mytnri ka tnad pule u la khot ia ki ban ia kren ia kaba ki nongialam kila pdiang wat hapdeng ka jingkwah ki para nonghikai ban tur sha secretariat, ha dien ba la khot ia kren ki nonghikai ruh kila pdiang ban leit noh sha Madan Malki ban ap ia ka rai kaba mih na ka jingiakren bad kila pdiang ia kaei kaba ka sorkar kala tyrwa shuwa ar bnai ka tulop.
