Shillong Nailar 17: Ka KSU Mawthadraishan circle bad ka KSU North Khasi Hills Eastern Border Area, Ri Bhoi District, kila ong ba u Deputy Director jong ka Education & Literacy (DSEL) u la thung ia ka kong Tlistidian Marbaniang ba kan long kum ka Assistant Teacher Officiating ha ka skul Ryngi Kseh Govt LP School , kumba kala paw na ka shithi kaba la thoh ha ka 21 tarik jong u bnai Jylliew mynta u snem.
Ia kane ka shithi kaba la mih na ka shuki jong u N Bhomik Deputy Director jong ka Education & Literacy (DSEL) ha kaba la phah sha u Sub Divisional School Education Officer jong ka Mawkyrwat ba la pdiang ia ka Tlistidian Marbaniang bad kan long kum ka Assistant Teacher ha poh jong ka Rngikseh Govt LP School bad la ong ruh ban leh ia kane ka kam katkum ki kyndon ba la don.
Na ka liang jong ki tei ki ar unit jong ka seng KSU kila pynpaw ia ka jingsngewlyngoh ban ioh ba kumno kane ka jingthung kam kan long kaba kyllain wat tang hapoh jong ka juh ka tand sorkar , la buh jingkylli u Bah Maring.
U bah Maring, la ong ba ka kong Marbaniang la mynjur da ka Headmistress ha katei ka skul na bynta ban ioh ia ka kam Asst Teacher hynrei ka shnong ka dang iai pyrshah. u la ong ba katkum ka notification ka sorkar ha u 2009, la kdew shai ba kino kino ki Govt LP School ym lah ban mynjur da ka SMC ne ka shnong hynrei tang ka Headmaster jong ka skul u lah ban mynjur.
kane ka skul Rngikseh, ka Secretary jong ka skul kadei ka nonghikai kaba la shongthait naduh u snem 2008 bad kane kadei ka jingpynkhein ia ka kyndon ain. Katkum ka jingong ka kong T Marbaniang , la ong ba ha 21 tarik u Naitung,2016 ka la ioh ia ka shithi na u Director ba la mynjur ban thung ia ka kum ka Asst Teacher ha katei ka skul.
“Nga iohpdiang ia ka shithi na DSEL ba la mynjur na bynta ban thung kam ianga, hynrei la bunsien nga la leit mih ha u DSEO, Mawkyrwat hynrei um ai ia ka shithi thung kam bad la shu buh sngi bad hadien ki la shu ong ba ym lah ban ai,” la ong ka kong Marbaniang.
u Presdent ka KSU Mawthadraishan circle, u bah J Thaba u la ba ka seng ka la wad bniah ba ka jingthung kkam ia ka kong Marbaniang kadei da ka rukom badei katkum ka kyndon.
Ka seng ka la kyntu ia ki bor halor ba kan tuklar haba iadei bad kane ka kam bad la pynrem jur ia ka ophis jong u SDSEO, Mawkyrwat.
