Shillong, Nailur 06: Ka jingialang jong ka cabinet kaba la long mynta ka sngi kala ia kren biang halor ka jingpan jingpynhai jong u Lat ka jylla halor ka jingpynkhreh jong ka sorkar ban pynlong ia ka election MDC shiteng samoi sha ki hynniew tylli ki constituency.
U myntri rangbah ka jylla u Dr Mukul Sangma la iathuh ba na ka liang jong u Lat ka jylla u V Shanmuganathan u la phah sha ka sorkar jylla ia ka jingkwah jong ka sorkar ban pynlong noh ia ka election MDC shiteng samoi da kaba u la pan jingpynshai.
Halor kane ka jingpan jingpynshai jong u Lat ka jylla ka jingialang jong ka cabinet kila ia kren ia kane kam bad ynda ka sorkar kala dep ban pynbiang ia ka jingpan jingpynshai jong u Lat kan sa phah biang sha u Lat ban ioh ia ka jingmynjur ka jong u.
Ha kane ka jingialalang jong ka Cabinet mynta ka sngi la ia kren ruh ha kaba ia dei bad ka GST, ha kaba ka sorkar kan sa rah ia kane ka kam sha ka iing dorbar kaban sdang ha ka 9 tarik mynta u bnai.
