Shillong, Naitung 27: U Sri. C Rajagopalachari, Governor General of India, u la soi bad pdiang ia ki dulir Instrument of Accession Annexed Agreement (IOA & AA) ha ka 17th August 1948 bad ki 25 Hima Khasi States kum ki Hima bad kynthup lang ha ka kyrteng jong ka Federation of Khasi States.
Ha ka jingkmen ba la ioh ia ka jinglaitluid la kum klet ban peit bniah bad ban pyndep, pynpaw ia ki kyndon IOA & AA of 17 Aug 1948. Katba ki kyndon IOA jong ka jaidbynriew Kashmir na ka jylla J& K ki paw hapoh ka Constitution Ri India namar ki la don saw ngut ki nongmihkhmat hapoh ka Constituent Assembly, ki Khasi States kim shym don nongmihkhmat hapoh ka Constituent Assembly, bad ki la shuh sha niah ha u Governor of Assam.
Naduh katei ka por 1950 ki Khlieh Nongsynshar jong ki Khasi States, kynthup naduh Dorbar Shnong, Raid haduh Dorbar Hima, ki la iai pynkynmaw iai thoh sha ki bor Sorkar India ban pynkynmaw ia ki ba kin pyndep ia ki jingkular kumba la pruid dak ha kitei ki dulir.
Ka Meghalaya BJP ha ka Policy paper ba la shon, pynmih bad sam kylleng ki la kular ban shim khia ia kane ka kam bad ki la kular ba ka seng BJP kan burom ia baroh ki jingiateh kiba la soi hapdeng ka Sorkar India bad ki Hima Khasi States (Federation of Khasi States).
Ngi kyrmen ba ka Sorkar jong phi kan shim khia ia kine ki jingiateh kular bad ban pyndep ia ki jingkular da kaba pynlong ka jingiapynbeit kaba ia burom mar kylliang.(SP News)
