Shillong,Jymmang 29: U Bah Syntar Klas Sunn MLA shimet na ka Mawphlang Konstitwensi mynta ka sngi u la phah i
a ka shithi sha ka party United Democratic Party (UPD) ba u kwah ban pyniasoh ia lade bad katei ka party.
U bah Alan Warjri Vice President jong ka UDP haba kren ha u SP News Agency u la iathuh ba ka party kala ioh pdiang ia ka shithi na u MLA jong ka Mawphlang ba u kwah ban pyniasoh bad ka UDP, ha kaba ka party kan dang ia kren bad ia ka jingpdiang ia u sha ka party kin sa leh ha kine ki sngi.
U Bah Sunn MLA jong ka Mawphlang namar ba u dei u MLA shimet ban rung party yn nym lah hynrei kaei kaba u lah ban leh ka long ba shu pyniasoh bad ka seng UDP ia kaba la tip kum u “Associate Member” jong ka party UDP. Lada ka UDP ka pdiang u shnongknor jong ka iing dorbar thawain ka jylla u la hap ban pynbeit ia ka jaka shong hapoh ka iing dorbar ryngkat bad ki MLA jong ka UDP.
Namar ka UDP ka don ha la liang synshar hapoh ka sorkar MDA kaba la ialam da ka NPP, kane ka jingleit pyniasoh jong u Bah Sunn sha ka UDP kala dang pynkhlain shuh shuh ia ka liang synsahar hapoh ka iing dorbar thawain ka jylla.
