Shillong, Iaiong 03: Ka seng jong ka Meghalaya Civil Service Association (MCSOA) kala pynpaw ia ka jingsngew kyndit bad jingsngewsih halor ka jingkhlad kyndit jong u Bah Donny Malcolm Wallang, MCS ha ka 2 tarik mynta u bnai.
U Bah Donny kum u MCS u la trei kum u EAC, BDO, ADC, project Director jong ka DRDA bad kum u joint secretary jong ka sorkar Meghalaya ha duh ka sngi ba un sa khlad noh. Na ka liang jong ka seng jong ki ophisar MCS ki pynpaw ba kim lah ban klet ia ka jingsngew tynnad ia u Bah Donny.
Na ka liang jong ka seng jong ki ophisar MCS ki pynpaw ia ka jingsngewsih jur halor kane ka jingkhlad kyndit jong u wei na ki dkhot jong ka seng, kum ka seng ka duwai na ka bynta ka jingjah thait bym juh kut jong u bah Donny bad ba u nongbuh ongthaw yn pyntngeng ia ka iing ka sem baroh kawei ha kum kane ka jingsngewsih kaba la wanrah ia ka jingduh ha ka iing ka sem.