Shillong, Jylliew 15: U Lat jong ka jylla u V Shanmuganathan bad u myntri rangbah ka jylla u Dr Mukul Sangma mynta ka sngi kila phah ia ka khubor jingsngewlem jong ki sha kiba ha iing ha sem baroh halor kane ka jingjia ba sngewsih ha ka jingkylla jong ka Bos ha Sonapur ha kaba da ki phew ngut ki briew kila duh ei iala ka jong ka jingim.
Ha ka khubor sngewlem na ka liang jong u Lat ka jylla u V. Shanmuganathan, u laong ba u sngewsih kthang ban tip halor ka jingjia ba sngewsih ba ka bos kala kylla ha riat ha jan jong ka Sonapur Mandir kaba hap hapoh jong ka East Jaintia Hills District ha kaba bun ki mynsiem ba kordor kila duh ei iala ka jong ka jingim na ka liang jong u lat u phah ia kane ka khubor sngewlem sha kiba ha iing ha sem baroh jongkine kiba la khlad noh.
Ha ka juh ka por na ka liang jong u myntri rangbah ka jylla u Dr Mukul Sangma u la ong ba u dap da ka jingsngewkyndit ban tiphalor kane ka jingjia kaba sngewsih ha kaba bun ki mynsiem briew kila duh ei iala ka jong ka jingim ha kane ka jingjia ba sngewsih ba ka bos kala kylla sha riat ha kaba bun ki mynsiem kila duh ia la ka jong ka jingim u dawai ba u trai nongbuh nongthaw un ai ka jingjahthait bymjuhkut iaki mynsiem kiba la khlad noh.
Ha ka juh ka por u ai ka jingkit bok kit rywiang ia kito baroh kiba mynsaw ba kin ioh noh ia ka jingkoit jingkhiah.
