Shillong, Rymphang 17: Mynta ka sngi u Inderjit Singh Rana Inspector General ki shipai BSF jong ka Shillong frontier la plie ia ka ktem ba thymmai jong ki shipai BSF ha Bewagre ha jan Balejek Airport Tura.
Haba plie ia kane ka ktem ba thymmai ba dei jong ki 100 Battalion ki shipai BSF la don lang u Alok Kumar Singh Sector DIG ka Tura bad u Ajay Kumar Tiwary, Commandant ka 100 Bn jong ki BSF kila don lang ha kaba plie ia kane ka ktem ba thymmai jong ki BSF ha jan Tura ha West Garo Hills District.
Ka jingheh kane ka ktem ba thymmai jong ki shipai BSF ka don 93 akar bad ha kane ka jaka ka don ia ki lat ai jignhikai ha ka jingiakhun katkum kane ka juk kaba mynta bad ha kane ka juh ka jaka ki don ki ophis trei kam jong kane ka kynhun shipai BSF ha Tura.
U IG ki shipai BSF u Inderjit Singh Rana u la pynpaw ia ka jingsngewnguh ia ki bor sorkar jong ka jylla Meghalaya kiba la ai ia ka jingiatreilang , ki trai shnong ha kaba la lah ban pyndep ia ki jingtei ha katei ka jaka, kane ka jingdon ka kane ktem kam dei tang ba ka ai jingiada ia ka kad liengsuin hynrei kan kyntiew ruh ia ka ioh ka kot ki briew.
Kane ka jingdon kane ka ktem shipai BSF kan long ruh kawei na ki lad ioh kam ioh kam ia ki briew katei ka jaka , na ka liang jong u IG BSF la ong ba na ka liang jong ki shipai BSF kin long kiba la koi ban ai ka jingkyrshan ia ki bor sorkar ha kano kano ka por ba don kam, kyrpang eh ha ka liang ka koit ka khiah.
