New Delhi, Rymphang 09: Ka bynta kaba nyngkong jong ka ‘Vividdhta ka AmritMahotsav,’ kaba pynlong ha ka Rashtrapati Bhavan naduh ka 8 haduh 11 tarik u Rymphang, 2024, ka la sdang da ka jingrakhe ia ka deiriti ba iar jong ka thain shateilammhngi.
La pynlong ia kane ka prokram da ka tnat Development of North Eastern Region ha ka jingiatreilang bad ka Tnat Deiriti bad ka la long ka jingpyni ia ka deiriti kaba la ktah bha ia kito kiba la iawan iashim bynta.
La pliepaidbahia kane ka prokram da ka President jong ka ri India, DroupadiMurmuha kaba u Myntri ka tnat DoNER, G. Kishan Reddy u la ialam ia ka jingpynkup burom.
U Myntri ki TnatDoNER, Deiriti bad Kam Jngohkai, G. Kishan Reddy u la ai jingkren ha kane ka sngi bad u la ong ba u sngewnguh ia ka President kaba la bteng ban kyrshan bad ai mynsiem na ka bynta ka thain shateilammihngi.
U la ong shuh shuh ba naduh u snem 2014, ka thain shateilammihngi ka la long ka kam kaba kongsan jong ka ri hapoh ka jingialam jong u Myntri Rangbah Duh bad naduh katei ka por ka la don ka roi ka par ka bym pat juiohi ha ka thain.
U la ong ruh ba la ka dei ka jingpyniasoh lyngba ki surok, ka rel, ki liengsuin, ki lad ka leit ka wan lyngba ki jaka shongum ne ka jingpyniasoh ha ki kam sain pyrthei ne ka jingpyniasoh ha ka deiriti ne ki jingsngew jan, baroh ki jingjngai sha ka thain shateilammihngi ki dei kiba dang pyndam.
U la ong ruh ba ka hiar pateng kaba riewspah jong ka thain shateilammihngi ka dei ka lad sha ka jingriewspah jong ki briew bad ba ka Sorkar ka dang shim ia ki sienjam bapher bapher ban plielud ia ki lad kiba don ha kane ka thain.
U Myntri ka Tnat Earth Sciences, KirenRijijuruh u la ai jingkren ha kane ka sngi.U la kdew sha ka jingkyllakhait ka thain shateilammihngi ha kine ki shiphew snem ba la dep bad u la ong ba ki briew jong ka thain ki la kham bun ki jingkyrmen bad ki jingthrang.
Ki Lat bad ki Myntri Rangbah jong baroh phra tylli ki jylla ka thain ki la iadonlang ha kane ka sngi.Kane ka Mahotsavka don palat 320 ki stall kiba pyni ia ka jingkyrpang ki mar ba shna da ki kti, ki jain bad ki mar rep na ki phra tylli ki jylla.
Kiba la wan iashim bynta ha kane ka Mahotsav ki la ioh lad ban iohi ia ki bynta ba bha tam jong ka thain shateilammihngi ba kynthup ia ki mar ba shna da ka kti, ki jain ba iaineh bad ki mar rep organic.
Shuh shuh, ka la don ruh ka Geographical Indication (GI) Pavilion kaba don ia ki mar GI na ka thain shateilammihngi. Naduh ka jainMuga Silk ba pawnam na Assam, ki WangkheiPheeba thain ha Manipur, ki carpet na Arunachal Pradesh bad u sohtrun na Tripura, ka long kaba kmen shisha ban pyni palat 25 tylli ki mar GI na ki jylla Ashtlaxmijong ngi
Ka la don ka jingpyniia ki rukom treikam ha palat 20 tylli ki stall ha kaba la pyni ia ki rukom saindur tynrai jong ka thain shateilammihngi ba kynthup ia ka rukom shna mask na Majuli, ka jingthainshang, ka jingpynmih silk na u tiew lotus bad kiwei kiwei. Ki briew ki la ioh lad ruh ban iohi ia ka sap kaba donkam ban shna ia kine ki tiar kiba don ka jingiadei kaba jan bad ka deiriti.
Ki kynrem ki lyndan kiba kynthup ia ka President jong ka ri India ki la ioh lad ban iohi ia ka Ashtalakshmirangolibad ki jingpyni ia ki jingshad bad ka put ka tem tynrai.
Ka sngi kaba nyngkong ka la don ka bynta jong ki barikorna baroh phra tylli ki jylla kiba la pyniphuhiphieng ia ka Mahotsav lyngba ki sap ha ki jingshad tynrai jong baroh phra tylli ki jylla. Ha kine ki saw sngi ban wan, palat 350 ngut ki barikor kin dang pynlong ia kine ki jingpyni ia ki rukom tynrai.
Shuh shuh, ki briew ki la ioh lad ban mad ia ki jait bam bapher bapher ha ki jaka die mar bam kiba la wanrah ia kine ki jingbam ba kyrpang sha ka nongbah jong ka ri.
Ka jaka lehkai ki khynnah bad ka jaka pynbyrniaia ka samla ka la long kaba shongshit ha kaba ki la iashim bynta ha ki jingpynbyrnia bapher bapher kiba la saindur ha ka rukom ban pyni ia ka histori bad ka jingriewspah ka deiriti jong ka thain shateilammihngi.
Ka tnat Development of North East Region ka la ai jingsngewnguhia ka tnat Deiriti, ki kynrem ki lyndan bad ki briew kiba la wan iashim bynta. Ka ‘Vividdhta ka AmritMahotsav’ ka la sdang ia ka kam kum ka jingrakhe ia ka jingiatylli hapdeng ki jingiapher.
Kane kala wanrah ia ka jingsngewthuh kaba kham bha bad ka jingburom ia ka bynta jong ka thain shateilammihngi ha ka jinglong kyrpang jong ngi. La khmih lynti ba kine ki saw sngi ban wan kin khring shuh shuh ia ki briew hadien ka sngi kaba nyngkong kaba long kaba jop.
