Shillong Nailur 06: U Lat jong ka jylla u V Shanmuganathan mynta ka sngi u la plié ia ka International Film Festival, ha kane ka nongbah Shillong ha kaba ia dei bad ka riew khuid kaba dang shushah pynkyntang ka Sister Mother Teresa ha kane ka nongbah Shillong.
Ka jingpyni ia ki phlim ha kaba ia dei bad kane ka riew khuid jong ka balang katholik kan long saw sngi lynter ha Soso Tham Auditorium. Ha ka jingkren jong u Lat ka jylla u la ong ba ka Mother Teresa ka rah ha ka ia ka khubor , jong ka jingieit, ka jingsuk, ka jingai jingkyrmen bad ka jingshakri ia ki para briew ha kane ka sla pyrthei.
Ia ki kam kiba ka trei ym da don kam ban batai ka pyrthei kala iohi bad sakhi ka jingshakri kaba ym lah ban thew kaba kala ai sha u khun bynriew bad kala pynithuh ia lade sha ki briew ba ka don ka jingieit kaba ia jan bad u blei. Na ka liang jong u Lat u la kyntu ba ia ki kam ba bha jong ka dei ban pyniair sha kiwei ki jaka ruh.
Ha kajingkren jong u Arch Bishop Dominic Jala u la ong ba “ ngi imha kane ka juk kaba bun ki jingkwah, ki don bun ki jingsniew ha ka imlang sahlang kiba don sawdong jon ngi, ka jingbam klop, ka jingleh bymhok bad ka jingpynkhein ia ka hok long briew man briew, hynrei ka Mother Teresa ka don ha ka ia ka jinglong bapher na ki para briew to ngin but ia ki jinglang bha bha jong ka”.
Ki wei ki heh sorkar kiba la ia don lang ha kane ka sngi ki long u M S Rao, Bah PS Dakhar DC jong ka East Khasi Hills bad bun kiwei ki riew donburom.
