Shillong, Jylliew 16: Mynta ka sngi ha ka por kumba lai baje noh phai sngi kala don ka jingkem dieng kynsan ha Iew Umsning ha kaba 15 tylli ki dukan kila julor ha kane ka jingjia ba sngewsih kine ki dukan baroh kidei kiba la shong da ki nongshong wai.
Kat haduh ba thoh ia kane ka khubor ym pat lah ban tip ia ka jingjulor namar ki dukan kila bun, hynrei la ong ba ka jingjulor kan long palat phew lak tyngka. Kine ki dukan kidei kiba ia don mar jan mar jam bad ki dei kiba la shna da ki dieng.
Na ka liang jong ki pulit pynlitp dieng bad ki paidbah kila ia leh katba lah ban tem bad ban peit ba kan nym kllang sha kiwei ki dukan kiba para marjan, ia ka daw jong ka jingpluh jong kine ki dukan ym pat lah ban tip thikna namar ka jingtohkit ka dang iaid.
Na ka liang jong u Bah Don Sumer MDC jong kane ka thian u la pynpaw ia ka jingsngewsih halor kane ka jingjia bade u la ong ba ka jingduh ka long kaba khraw na ka bynta ki trai dukan.
