Shillong, Iaiong 16: Mynta ka sngi ar tylli ki iing kiba don ha Mawiong Umjapung Nengong Blok-A kila kemding kynsan bad ha kane ka jingjia kaba sngewsih baroh ki jingdon jingem kila julor lut khoit ha ka jingshah bam duh ha ka ding.
Ka khubor pulit ka iathuh ba ha kane ka jingpluh ding ym shym don kano kano ka jingjia kaba sngewsih, ha kaba ki briew kiba don ha poh ha katei ka por kila mih noh sha bar mar ia ioh ia ka jingklang ka ding.
Kine ki iign kiba la shah pynjulor ha ka ding, ka wei ka dei jong ka kong Twitina Nongneng bad kawei pat dei jongka kong Risuk Wanshong, baroh ar tylli ki julor ha kane ka jingjia kaba sngewsih.
Na ka liang jong ki pulit pynlip ding kiba don ha Mawlai mar ia ioh ia ka jingtip bran bran ki la leit hs katei ka jaka ban tem ia ka jingklang jong ka ding bad da ka jingpoi biang por la lah ban tem ban nym poi sha kiwei ki iing kiba marjan.
