Pluh u transformer mynta ka miet ha Nongrah-Umpling syier thad ki nongshong shnong

Shillong, Rymphang 19: Mynta ka jan miet u transformer ba don ha Nongrah jan jong ka skul Hubert Memorial Umpling ha ka por 7.15 baje por miet u la kem ding kynsan bad ka jingklang jong ka ding kala pynher syrngiew ia ki paidbah nongshong shnong bad khamtam ia ki iing kiba don sawdong jong ka.

Haduh ba thoh ia kane ka khubor ym pat lah ban tip ia ka daw jong ka jingkem ding kynsan jong une u Transformer na kaei ka daw tang ba kane ka jingjia. Haba la ioh ban ia kren bad ki briew kiba don sha jan kila ong ba kala don ka jingbethei bad la iohi ia ka ding kaba klang.

Haba la kylli hato kala don ne em kano kano ka jingjia sngewsih, la ong ha haduh ba ki pyntip ia kane ka jingjia kim pat ioh jingtip ei ei ruh em, la ong bal eh se kan nym don namar u Tranformer u la long kham pajih na ki iing briew bad kane ka jingklang jong ka ding ruh kalong tang shiphang.