Shillong, Nailar 23: U Chief Electoral Officer jong ka jylla Meghalaya u bah Fredric Roy Kharkongor u la iathuh ba ka jingpoi jong ki paidbah nongthep But ha kane ka elekshon MLA shiteng samoi ha ki ar tylli ki konstitwesni mynta ka sngi ka long ha 53-Ranikor 82.1% bad ha 51-South Tura ka long 72.89%.
U CEO u la ong ba kane ka jingkhien ka dang long haduh ka por 5.00 Baje jan meit mynta ka sngi bad ia ka jingkhein kaba pura pat ioh lut kham tam eh ia ka Ranikor Konstitwensi, hynrei u la ong ba lada ka kiew ka hiar ruh kan nym da kiew than ne duna palat.
Haba kren ha ki nongthoh khubor u CEO u la iathuh ba ka jingthep but kala iaid beit khlem da don kano kano ka jingjia kaba sngewsih, lait noh ka jingthut jong ki kor thep vote tang khyndait por, ha South Tura ki thut lai tylli ki control Unit, ha Ranikor lai tylli ki VVPat bad kawei ka control Unit. Hynrei ia ki la lah ban pynbiang tang shiphang bad ka elekshon kala iaid beit.
Namar ka jinglong jong ka jaka ha Ranikor konstitwensi la pyndon kam da ki nongiamareh ban long ki nongrah ktien namar ki don ki jaka ba hap ban iaid kjat haduh lai kynta shiteng, ki don kiba ar kynta bad shikynta na ka jaka ba lah ban poi ka kali. Kine ki nongiamareh ki long noh ki nongrah ktien.
La iathuh ba ka jingniew but na ka bynta ka Ranikor yn niew ha Mawkyrwat bad ia ka South Tura yn niew ha ETC Cpmplex ha Tura. Na ki phra kompany ki CrRP, yn phah noh 6 kompany bad yn bat 2 kompany, kawei na ka bynta ka Ranikor bad kawei na ka bynta ka South Tura ba kin don ha ka sngi niew but ha ka sngi Nyngkong.
