Shillong, Rymphang 05: U Rev Bishop Ferdinand Dkahr jong ka jylla niam Jowai u la pynkyntangh lyngdoh ia u Dikon Kitboklang Tyngkan jong ka Parish Mowkyndeng Mary Immaculate Conception ha ka sngi u blei 4/2/2024 ba dei na ka jingiasylok na ka seng Salesian jong u Don Bosco.
U Dikon Kitboklang Tyngkan u dei u soh blei ba phra na kane ka parsish Mowkyndeng, dei na ka jyllaniam Shillong Province, la ialam sha khmat ia u Dikon ban pynkyntang lyngdoh la wan ialam da u Sohblei Paul Orphinda Lyngkot ryngkat ki kmie ki kpa.
Ha ka jingkren jong u Rev Bishop Ferdinand Dkhar sha ki riew ngeit u la kyntu ia ki kmie ki kpa, ba lada ki ing ki sem Khristan Katholik ki angnud ban pynmih shuh shuh ia ki riewniam ha ka Balang ki dei ban sdang na la ing da kaba im ia ka jingim kum ki Khristan kiba bha bad ban ialam lynti ia ki khun khatam eh da ka jingduwai.
Ha kaba iadei bad kane na ka liang jong ki la ong ruh ha kaba sdang ki don bun ki dieng pyngkiang bad ki lynti iaid kiba jwat ban poi sha ka jinglong Lyngdoh. Kum ka Balang ka dang don kam shibun ki lyngdoh ban trei hapoh ka jylla niam, ia kane ka sngi la sakhi lang da ki phew hajar ngut ki riew ngeit jong ka Balang.
Ha kane ka sngi la synran lang ia u Rev Bishop Ferdinand Dkhar da ki sohblei kiba la ia poi na kylleng jong ki parish kiba dei na ka jylla niam Jowai. U Lyngoh Kitboklang Tyngkan dei u khun jong u bah Pakalang Phawa bad ka kong Hoidien Tyngkan na ka shnong Mokyndeng, haduh ban da poi kane ka sngi ban pynkyntang lyngdoh kala shim por kumba 16 snem ban pyndep ia ki jingpule.
