New Delhi, Naitung 23: Ka Election Commission jong ka Ri India (ECI) mynta ka sngi kala pynbna ba ka elekshon shiteng samoi na ka South Tura (ST) Assembly Constituency kan long ha ka 23 tarik Nailar 2018 bad ka jingniew but kan long ha ka 27 tarik jong u juh u bnai.
Na ka liang jong ka ECI ha dien ba kala bishar bniah na baroh ki liang kala shim ia ka rai ban pynlong ia kane elekshon na ka bynta ka South Tura (ST) Assembly Constituency ha kane ka jylla Meghalaya.
Ia ka jingpynbna sorkar yn pynmih ha ka 30.07.2018 , katarik ba khaduh ban thep nomination kan long ha ka 06.08.2018 , ka jingbishar bniah ia ki kot ki sla nomination kan long ha ka 07.08.2018 bad ka sngi ba khatduh ban weng na ka jingiakhun kan long ha ka 09.08.2018 , bad ka sngi ban iathep but kan long ha ka” 23.08.2018 bad ka jingniew but kan long ha ka 27.08.2018” bad ha ka 29.08.2018 ki kam ba ia dei bad ka elekshon dei ban pyndup lut.
Ia ka electoral roll la shim kumba la pynmih ha ka 01.01. 2018, na ka liang jong ka ECI kala shim ia ka rai ban pyndon kam ia ki mashin EVMs bad ia ki VVPATs ha kane ka elelction shiteng samoi bad ka ECI kala shim ia baroh ki lad ki lynti ban pynlong ia kane ka elekshon kaba iaid beit.
Ka ECI kumba kala leh ha ki por kiba la leit noh ki kot ki sla ban pynshisha ba ki dei ki nongthep vote ki long ba ka EPIC kan long kawei na ki dak jingpynithuh ba ki dei ki nongthep vote, ia kiwei kiwei yn sa ai da ka jingbethah.
Ka Model Code of Conducts kan trei kam noh mardor ha ka District ba don ka jingiathep vote bad ha ka konstitwensi ba don ia ka elekshon shiteng samoi. Kane ka Model Code of Conducts kan trei kam ia baroh ki kyrtong, ki seng sain pyrthei bad ia ka sorkar jylla bad kum juh kan trei kam ia ka sorkar pdeng ha kato ka District ba don ka elekshon jong kata ka jylla.
