Shillong, Jylliew 27: Ka Election Commission jong ka Ri India mynta ka sngi kala pynbna ba ka elekshon shiteng samoi hapoh jong ka 35-Ranikor Konstitwensi kaba hap hapoh jong ka South West Khasi Hills District kan long ha ka 23th Nailur 2018, ha ka juh ka sngi bad ka South Tura kaba la dep ban pynbna ha kine ki sngi kiba la dep.
Haba ia dei bad kane ka elekshon shiteng samoi ha Ranikor, ia ka jingpynbna sorkar kan long ha ka 30/7208, ka sngi ba kut ban thep kyrteng kan long ha ka 06/08/2018, ka jingbishar bniah ia ki kot ki sla kan long ha ka 07/08/2018, ka sngi ba khatduh ban weng na ka jingiakhun kan long ha ka 09/08/2018.
Ka jingthep but kan long ha ka 23/08/2018 bad ka jingniew but kan long ha ka 27/08/2018 bad ia ki kam kiba ia dei bad ka elekshon dei ban pyndep noh ha ka 29/08/2018. Da kane ka jingpynbna ia ka elekshon ka model code kan trei kam noh mar dor hapoh jong ka District.
Ka ECI ka la ong ba ha kane ka elekshon yn pyndon kam ki mashin EVMs bad VVPATs. Ki kot ki sla ki ban pynshisha ba ki dei ki nongthep vote kan long ka EPIC bad ia kiwei kiwei yn dang phah ia ki jingbatai.
