Shillong, Kyllalyngkot 18: Mynta ka sngi u Chief Election Commissioner jong ka Ri India u Rajiv Kumar la pynbna ba ka jingiathep vote hapoh ka jylla Meghalaya kan long ha ka 27th Rymphang 2023.
Haba kren ha lo pat pathai khubor ha nongbah Delhi mynta ka sngi la ong ba ia ka jingpynbna ia ka tarik elekshon kan long ha ka jingpynbna sorkar kan long ha ka 31st Kyllalyngkot 2023.
Ka tarik ba khatduh ban thep kyrteng kan long ha ka 7th Rymphang 2023, ban bishar bniah ia ki kot thep kyrteng kan long ha ka 8th Rymphang 2023 bad ka sngi ban weng na ka jingiakhun lada don kan long 10th Rymphang 2023.
Ka jingniew vote kan long ha ka 2nd Lber 2023 bad ia ka iadei bad ka kam eleshon dei ban pyndep ha ka 4th Lber 2023, kane ka long kaba la pynbna mynta ka sngi na ka Election Commission jong ka Ri India.
Ka election commission jong ka Ri India kala pynbna ba ka jingiathep vote hapoh ka jylla Nagaland kan long ha ka juh ka sngi bad ka jylla Meghalaya katba ka jylla Tripura kan long ha ka 16th Rymphang 2023.
