Shillong Risaw 18: Mynta ka sngi ha party ka Hill State People’s Democratic Party (HSPDP) Mawkynrew ha ka jingialang kaba la long ha Kharang ha Jongsha ban pynkhreh ia ka elelshon MLA ka ban long ha u snem 2023.
Ha kane ka jingialang kala shim ia ka rai ban pynieng ia u bah Martle N Mukhim kum u kyrtong ka party HSPDP na Mawkynrew, ha kane ka jingialang la shim ia ka rai ban pyrshahia ka rai ban pyntrei kamia ka CrPC bad CPC ha kane ka jylla Meghalaya.
Haba ia dei bad ka Meghalaya Gambling Act ka party HSPDP ka kren shai ba ka sorkar kam dei banshu pynbna hynrei ka dei ban leh da ki kam ban katkum ki kyndon ban pynduh ia katei ka ain ia khalai.
U bah Martle N Mukhim uba dei mynta u MDC bad u kyrtong ban sa iakhun ia ka ilekshon sha ka Iing Dorbar Thawain ka jylla ka ban long ha u 2023, u la ong ba ka jingshakri jong u ha ka kam paidbah kam duna shuh ia ka 50 snem ha kaba 25 snem don ka jingshakri kaba khlem tulop bad 25 snem ka don ka jingshakri kaba ioh bad ka tulop.
U bah Martle Mukhim ha ka jingkren jong u, u la ther ruh ia kane ka sorkar MDA hapoh ka jingialam jong ka National Peoples’ Party (NPP) kaba la wanrah ia ka ain jong ka CrPC bad ka CPC ha kane ka jylla bad ka jingwanrah ia ka Meghalaya Gambling Act.
U bah Nicholas Marwein General Secretary ka HSPDP West Khasi Hills u la ong ba kane ka sorkar ba mynta kadei ka sorkar kaba la shah kynnoh palat ha ki kam bamsap kham palat ban ia ka sorkar Congress. La kam ba ha West Khasi Hills kin jop baroh saw tylli ki konstitwensi.
