New Delhi, Iaiong 26: Mynta ka sngi ka kynhun myntri ka sorkar pdeng kaba la shong ia ka jingialang jong ka Kabinet bala pyniaid da u myntri rangbah duh k Ri u Narendra Moidi ki la pdiang ban shna thymmai 157 tylli ki Nursing College ha kylleng jong ka Ri baroh kawei.
Na kine ki 57 tylli kawei ka dei hapoh ka jylla Meghalaya bad yn buh ia ka ha Tura West Garo Hills District ha jan jong ka Tura Medical College ka dang iaid sha khmat mynta ka jingpyntrei ia ka hapoh ka tei ka District.
Kine ki Nursing College kiba yn sa shna kin long tang ha jan jong kito ki Hospital kiba la shna naduh u snem 2014 haduh mynta, kine ki Nursing College ki dei ban ha jan jong ki Medical Collge.
Ynda la lah ban pyndep ban tei ia kine ki Nursing College, ka Ri India baroh kwei kan sa pynmih ia ki samla pule ki ban pyndep ia kane ka jingpule ka sa pynmih 15, 700 ngut ki nurse ha ka shisnem, ka jinglut ban tei ia kine ki jaka pule Nurse baroh 157 tylli kan long T.1,570 klur tyngka.
