Shillong, Rymphang 15: U Bah peter Challam uba shong basah ha ka shnong Laitkor bad uba dei ruh u muktiar na ka Shillong Bar Association (SBA) mynta ka sngi u la pynbna paidbah ba un aireng ha ka Election Lok Sabha 2024, na Shillong Seat kum u kyrtong Independent.
Ha ka jingiakren bad ki lad pathai khubor ha Shillong Press Club, u Bah Peter u la ong ba, naduh ba u dang long u dkhot jong ka Khasi Students Union (KSU) mynba u Bah Bull N. Lyngdoh u dang long u President.
U la don ka mynsiem shakri bad ban iakit iabah ia ka khia ka shon jong ka jaitbynriew bad u la ong ba mynta ka por ka la ih bha ia u ba un rung noh sha ka jylli jong ka saiñ pyrthei khnang ba un dup lah ban iasaid ia ki jingeh jong ka jaidbynriew.
U la ong ruh ba u la ong ba watla um dei uba don ka spah ka phew hynrei u don pat ia ka mynsiem ban shakri, ban iasaid ia ki jingeh jong ka Jylla hapoh ka Parliament bad u la kyntu ruh ia ki paidbah nongthep vote ban ai jingkyrshan lem ia u, khnang ba un dup lah ban pynurlong ia ka jingangnud ka jong u ha ka kam shakri paidbah.
U la ong ruh ba ka jingmih jong u sha khmat ban ia khun ia kane ka elekshon kum u kyrtong shimet kadaw ka dei namar ba um kwah ban shim kabu ia kine ki political party ki ba la don lupa ha kane ka Jylla.
