Shillong, Rymphang 08: Mynta ka sngi u Secretary ka North Eastern Council u K. Moses Chalia u la kren ia ki km kiba kila pyntrei ha kane ka thain shatei lam mih ngi jong ka Ri India, naduh ki surok, ki kad liengsuin, ki lynti rel, ki jaka pule doktor, ki skul bad bun kiwei kiwei ki kam pynroi ha kane ka thain sha tei lam mih ngi.
Haba jubab ia ki jingkylli kiba ia dei kyrpang bad ka jylla Meghalaya la iathuh ba ka NEC kan bei pisa T.11 klur tyngka ban pynbha ia ka Iewduh bad ia kane kin sa sdang ban pyntrei noh hapoh kine ki ar lai bnai, ka Iewduh ka dei kaba bun bha ki dukan ia kaba yn nym lah ban khang ia ka Iew.
U la iathuh ba da la de ruh u la leit ban jurip ia ka Iewduh bad kane ka iew kaba paw bha bad kaba heh ha kane ka jylla ka don kam shisha ia ka jingpynbha bad na ka liang jong ka NEC kala dep ban mang pisa T.11 klur tyngka ban pynbha ia kane ka iew.
Kiwei ki kam kiba ka NEC kala leh na ka bynta kane ka jylla ki dei ki surok bun bah ki surok kiba la shna da ka jingbei pisa ka NEC bad ki donbuh bah ruh ki surok kiba yn sa dang shna ia kiba la mang pisa lyngba ka NEC.
Haba jubab bad ka jingduna ka jingmang pisa ia ka NEC, na ka liang u Secretary u la kubur ba katta ka dei ka jingshisha hynrei ha ka juh ka por ruh ka jingdon ruh ia ka bor ban pynlut pat ia ka pisa, la ong ba ka pisa ka don lada lah ban pyndon kam ha ka rukom kaba dei.
U la iathuh ba ha kine ki khyndiat snem la iohi ia ka jingylla ha ki kam pynroi ha kane ka thain, la ong ba u myntri rangbah duh jong ka Ri India u la dep ban kren shai ba don kam ban leh ei ei na ka bynta ka thian shatei lam mih ngi jong ka Ri India bad u la leh kumba ka long mynta.
La iathuh ba na ka NEC ka jingpang tyngka ia ka North East baroh kawei ka dei tang T.3000 klur tam, hynrei lyngba ka DoNER ka jingmang pisa ka long T.6000 klur ei ei bad kane kan wan rah ia ka jingkylla ha ka roi ka por ha kane ka thain, u la kubor ba ka jingdon ki jingiakhih bad kil lehnoh kakla ktah ia ki kam pynroi.
