Shillong,iaiong 10: Ka Seng FKJGP laitlyngkot Circle ka la pynlong ia ka Inter school Athletic meet ha ka shnong Laitlyngkot ha kine ar sngi lynter kaba la sdang hynnin ka sngi bad ka la kut noh mynta ka sngi ,ha kaba ki arphewsan tylli ki skul na kane ka thain ki la wan ban ia shim bynta ha kine ki arsngi ha ryngkat ka jingia snoh kti lang ka FKJGP Central Body.
U bah Titus Chyne MLA jong ka Sohra Constitwency u ba long kum u kongsan ha kane ka sngi haba ai jingkren hadien ba al kut ka jingialehkai hakhmat ki khynnah skul u la ong “ka sport kam dei tang ka ka jingialeh kmen leh sngewbha hynrei ka dei ka wei pat ka lad ioh kam ioh jam ia ki samla kham tam ha kine ki sngi mynta ba kyrduh kam, khamtam lada leit thep kum ha ki kam Shipai bad pulit kin pan ia kine ki certificate, bad ka wei ruh kan pyllait na ki jingmlien ba sniew”.
U bah Titus U da air uh ia ka jingsneng bad jingkyntu ia ki khynnah skul u la ong kum ki khynnah skul phi dei ban don ia ak akor bad ka burom ,burom ia ki nonghikai ia ki kmie ki kpa kumjuh ruh ia kiba la heh la san namar ka akor ka dei ak wei ka donkam tam ha ak jaitbynriew jong ngi bad ngi da khein kor bha ia ka.
U da kyntu ruh ia baroh ki khynnah skul ba ki dei ban minot thop ha ki jingpule bad kin ia pynlut por bun ha ka ban khreh kot khnang ban pas bha ha ki exsamin bad ialeh ban poi sha ki division kiba shakhmat,bad pyndep ia ki jing pule ha ki kyrdan bapher bapher bad ym dei bad pep skul noh tang shiteng por.
U bah R. Thabah Information Publicity secretary FKJGP centralbody ha ba ai jing kren ha kane ka sngi u la ong kane ka jingpynlong ia kane ka sport ha kine ki arsngi ka long ruh kum shibynta ia ka jingrakhe ia ka jingdap ba 25 jong ka seng FKJGP bad kum bna shu pynkynmaw dang khyndiat sngi la dep ban plie pyrda ha ophis treikam jong ka seng ha mawlai Motsyiar.
Ka skul kaba la ioh rah ia ka nam lahduh ha kane ka sport ka dei ka L.P skul Laitmawlong kaba la ioh haduh 370%. (SP News)
