Shillong, Jylliew 10: Ka seng samla pule ka Jaintia Student Movement (JSM) seng kmie kila pynpaw ia ka jingsngew diaw halor ka jingpynher jong ka Jaintia Hills Autonomous District Council (JHADC) ba kala pynher da ka lama kaba jot bad ka seng ka kynnoh ba kane ka dei ka jingkhlem burom ia ka lama jong ka Ri.
Na ka liang jong ki nongialam jong ka JSM kila pyrshang ban ia kynduh ia u Bah Thombor Shiwat u ba dei u Chief Executive Member (CEM) jong ka JHADC ban ai hau da kaba thymmai ba buh ha ka jaka jong katei kaba la jot, hynrei na ka liang jong u CEm u la kyntait ban ia kynduh ia ki.
Ka seng JSM ka ong ba kane ka jingle jong ka JHADC ka long ba kane ka ophis kala pynkhein ia ka ain jong ka sorkar pdeng ” the prevention to insults to national honours act 1971.” Kane ka long ka jingle bym suid niew ia ka lama jong ka Ri, ha dien kane ba la kdew da ki dkhot jong ka JSM ka JHADC ha dien kala weng ia kane ka lama bad buh da kaba thymmai.