Jowai,Naitung 14: Ka Jaintia Student’s Movement (JSM )seng kmie ban ai jingshakri khambha shuh shuh ia u paidbah ha ka 14.07.2014 ha ryngkat ka jingiadon lang ki nongialam jong ka JSM-West Circle ka la hiar sha ka Elaka Narpuh ha ka shnong Cheruphy na ka bynta ban pyn iar shuh shuh ia ka tnad trei kam jong ka Seng .
U Samla Leningstar Rymbai u ba long u General Secretary ka JSM Seng kmie ula pyniaid ia kane ka jingialang ha kane ka jingialang ki dkhot ba ha khliehduh jong ka JSM (CEC) hadien ka jingbishar bniah jong ki ia kane ka thain,te ka CEC ka la pdiang ban pynkup bor ia kane ka tnad treikam ba thymmai jong ka ha ka kyrteng Jaintia Student’s Movement-Narpuh Circle (JSM-NC)
Ha shwa ban ioh ka jingpynbam smai ia ki dkhot ba thymmai jong ka Narpuh Circle , la ioh ka jingkren na ki nongialam ka JSM-Central Body na ka liang U Publicity Secretary Ma Deijuhi Siangshai, Education Secretary Ma Roitre Dkhar, bad na ka liang ka JSM West Circle la ioh ka jingkren na u Ma Pilarstone Phawa u ba long u General Secretary bad President jong ka U Biangki Rymbai.
Te u president ba ha khliehduh jong ka seng JSM Samla Deogratias Kyndait ha shwa ba un shimti ban the kular ia ki u la pynsngew shibun ki mat ha ka jingiadei bad ka ain trei kam jong ka seng, khamtam u buh ha khmat ba ka JSM ka mat treikam ba hakhmat eh jongka ka dei ban Pynkiew ia ka Pule puthi , kaba ar ka dei ban kdup ia ki khun samla ka jaitbynriew ha ka ban tip ia ka deingjat ki long shwa man shwa na duh ka Akor ka Burom bad ba ieng hala kijong ki kjat bad kaba lai kadei ban ia da iala ka jong ka hok ka kynti kum ki jait bynriew ba kyrpang ( Hynniewtrep).Kumta ngi kum ki nongialam jong ka JSM ngi dei ban long ki ba la kloi ban lenlade na ka bynta ban pynkiew bad ia da ia ka hok ka jaitbynriew jongngi.
Te la ioh ban pynskhem ia U Samla Anthony Sumer Kum u President, Vice President Fullmoon Tongper, General Secretary. Ma Bashemphang Nongrum, Asst Secretary.Pyndap Syiemlieh, Publiciti secretary Jantis Dkhar, Ngaitmi Biam Organising Secretary, Parson Lamin Education Secretary, Kitdor Roy Mukhim Cultural & Sport Secretary,Meban Wahlang Discipline secretary, Pilot Biam Office secretary bad la pynskhem ha ryngkat 10ngut kum ki Executi Member.
Ia kane ka kyrwoh khubor la pynlait da U Ma Deijuhi Siangshai u ba long u Publicity secretary ba thymmai jong ka JSM-CB ha dien ba u Samla Sambormi u la iehnoh kam kum u dkhot ba pura jong ka seng.
Na ka daw ba u la phet bad pyniasoh noh bad ka seng kiang atiar jong ka HNLC.(SP News)