Nongstoin, Iaiong 07: Ka Hynniewtrep People Social organisation West Khasi Hills District kum kawei na ki Sengbhalang hapoh ka thain ka lah ban pyniar ia ki shnat treikam jong ka ha Mawthadraishan kum ka Circle.
La pynskhem ia ki nongkitkam jong ka Mawthadraishan Circle u Kaspar Thabah la pynkup kum u President, ia u Phlandar Marwein kum u Secretary ryngkat kiwei de ki Official kynthup ia ki dkhot Executive Committee iwei na kawei ka shnong jong kane ka thain bapher.
Ia ka jingialang la pyniaid da u Samla Wanteibok Lyngdoh President jong ka HPSO West la ioh ruh ban pynsngew ia ki mat treikam jong ka Seng lyngba u Samla Lastmanroy Pariong uba long u Secretary HPSO Rambrai Circle, kaba sngewtynnad na ka liang ka Seng kadei ka jingiashimbynta lane ka jingiadonlang ki sordar shnong jong kane ka thain.
Ki samla ki longkmie ryngkat u sordar shnong Mawkhmahrang Bah Klas Sohphoh la ioh ruh ka jingkyntu kynpham na ki nongkitkam jong ka HPSO west kum kinongkitkam ki dei ban long kiba iaishah ban don jingieid ka jingsngewrit ha ka ban trei na ka bynta ka jiadbynriew ban peit lem ia ka jingiakynduh jingeh jong ki briew jong kane ka thain ryngkat ka jingiatrei lang bad ka west.
Na ka liang ka west ruh kan nym ih tang ban shu wan tang ha kane ka sngi kan nangiai don ryngkat na ka por sha ka por kumjuh ki kyntu ruh ba kim dei ban rieh tngen ha ka kyrteng ka seng ki dei ban mih shakhmat haba don ka jingdawa jong ka jaidbynriew Bri Hynniewtrep pynkut ka kyrwoh na u Phiradaker Marwein publicity Secretary Hynniewtrep People Social Organisation West Khasi Hills District.(SP News)
