Shillong, Nailar 29: Ka tnad ia lehkai jong ka sorkar jylla mynta ka sngi kala pynlong ia ka jingpynkup burom ia ki thei bad ki rang ialehkai kiba kynsai jong ka jylla kiba la wanrah burom ia ka jylla ha ka Internatinal, National bad ha ki state level.
Ha ka jingkren jong u bah John Kharshiing kum u kongsan ha kane ka sngi u la ong ba ka long ka burom ia ka jylla ba kine ki thei bad ki rang ia lehkai kila wan rah nam ia ka jylla ha kiba bun ki liang. Na ki 206 tylli ki jait jingialehkai ha ka Olympic ki samla ka jylla kila lah ban rah jingjop ha ki 67 ki jingialehkai ha u snem 2016. Na ka liang ka jong u la ai mynsiem ia ki ba kin dang iatrei shitom ban kiew kham sha jrong.
Ia ka jingpynkup burom la sdang na u nongialehkai Hokey jong ka Ri India u Major Dhyand Chand Singh namar dei ha ka nam ka kyrteng jong u la pynlong ia ka National Sports Day la rakhe ha kum kane ka sngi jong mynta u bnai ha kane ka sngi la pyniruh ia u Major Dhyand Chand Singh u wei na ki nongialehkai ba paw jong ka Ri.
Ha kane ka sngi 100 ngut ki thei bad ki rang ialehkai kila shah pynkup burom na ki hynniew jait ki jingialehkai, Kane ka jingpynkup burom la ai ha ki ia ka certificate bad kum juh ka pisa. Ha kane ka sngi u Director ka Social Welfare, u Bah H. M. Shangpliang, Director, Sports bad Youth Affairs, kong M. W. Nongbri, ki District Sports Officers na ki Districts, ki nongialehkai , ki nonghikai ki president bad ki secretary kila ia don lang ha kane ka sngi.
