Shillong, Nailar 29: Kat and ialehkai jong ka jylla mynta ka sngi kala pynlong ia ka jingpynkup burom ia baroh ki thei bad ki rang kiba la jopha ki jingialehkai bapher bapher ha ki long sha bar jong ka Ri lane hapoh jong ka Ri India. Ia kane ka jingpynkup burom la leh da u myntri ka tand ialehkai u Zenith M. Sangma.
Ha kane ka jingpynkup burom na ka liang jong u myntri u la ai ka jingiaroh ia ka samla Dolyne Kharbhih, kaba la long kaba lai na kane ka jylla Meghalaya kaba la lah ban kiew ia u Lum Mangkashang, na ka liang jong u myntri u la ong ban poi sha kane ka jingjop ban kiew ia une ki lum ba jrong tam ha pyrthei kiba kiew ki hap ban pynkhreh ia lade ha ka liang jong ka met bad ka bor jabieng.
Ha kane ka sngi na ka liang jong u myntri ka tand ialehkai u la ai ia ka jingthoh bad ka khusnam da ka pisa kaba ar lak tyngka haka samla Dolyne Kharbhih bad la pynlait ruh ia ka kot kaba la tip kum ka Coffee Table Book – “12th South Asian Games, 2016”.
Ha kane ka sngi kiba la shah pynkup burom baroh ki long 131 ngut na ki jingialehkai jong ki shiphew jait ia kaba la tip kum ka, Athletics, Boxing, Kick Boxing, Rock Climbing & Mountaineering, Wushu, Taekwondo, Judo, Football, Table Tennis bad Karate, ruh la pyndon burom lang ha kane ka sngi. Kiwei kiba la ia don lang na ka liang jong ka tand ialehkai ki long u Bah F. R. Kharkongor, Commissioner & Secretary, Sports & Youth Affairs, u Bah John F. Kharshiing, Working President, MSOA bad kiwei ki heh sorkar.