Shillong, Naiwieng 24: Ka ICAR, Umiam kala pynlong ia ka “Taiew ban pynneh pynsah ia ka shongsuk shongsain” ha ryngkat bad ka Ri India baroh kawei ia kaba la sdang ha ka 19th bad la pynkut mynta ka sngi ha katei ka jaka trei kam jogn ka sorkar pdeng, ha Umiam.
Ha kane ka taiew baroh shitaiew na ka ICAR, Umiam kala pynlong shibun ki jingialehkai, kum ka jingiatyrko hapdeng ki para nongtrei hapoh jong katei ka ophis, ka jingiakop thoh essay halor ka phang ka jingiatylli hapdeng ka jingiapher ha ki jaidbynriew bad ka jingia phylliew jingmut hato ka sain pyrthei ka pynneh ia ka shongsuk shongsain ha ka Ri India.
Ha kane ka taiew kala don ruh ka jinglum pisa na ki para nongtrei bad ia kane ka pisa yn phah sha ka “ National Foundation” kaba dei na ka bynta ki long kmie bad ki khun jong kito ki lok kiba la khlad noh ha ka por thma. Ia kane ka jingrakhe baroh shitaiew la pynkut mynta ka sngi da kaba sam ia ki khusnam sha ki nongjop ha ki jingiakop ba bun jait.
