Shillong, Nohprah 30: Ka Khasi Students Union Nongkrem unit kala pynkut noh ia ka jing ialehkai knock out football tournament kaba la ai kyrteng kum ka 1st Kiang Nangbah knock out football tournament ia kane ka jingialehkai la pynlong ha madan centre, Kharbuli Nongkrem.
Haka tei ka sngi ki team kiba poi sha ka final ki long ka Warbah sports social and cultural organization (WSSCO) pyrshah iaka Kings XI, ha kaba ka WSSCO kala rah ia ka nam jop da 1-0.
Ha katei ka sngi la ia don lang ruh u President jong ka Nongkrem Sports club bah Lambor Nongrum, Rangbah shnong ka dong Kharbuli Bah C. Kharbuli kum u symbud kongsan bad ki nong ialam sengkmie u samla Reallystar Nongspung Environment Secretary, Samla Vincent Makri Executive Member ba dei ruh u Vice President ka K.S.U North Khasi Hills District u ba la long u kongsan bad kumjuh ruh ki para member naka Nongthymmai Circle.
La pyniaid iaka jingialang lyngkot da u President ka KSU Nongkrem Unit u Samla Kheinkor Kharrngi uba la maitphang shaphang ka jingthmu jong ka unit ha kaba ia dei bad katei ka football tournament bad la ioh ruh ka jingkren lyngkot na baroh arngut ki Captain jong ki team kiba lah poi sha ka phainal.
La pynkut ia tei ka sngi da ki kyntien kynmaw burom ia u khlawait ka Bri u Hynniewtrep u Woh Kiang Nangbah. Kane ka long kat kum ka kyrwoh na u General Secretary ka KSU Nongkrem Unit Samla Iaishah Warkhyllew.