Shillong, Naitung 03: ka iing bishar ba don burom jong ka Meghalaya High court hadien ba kala sngap ia ki arliang mamla halor ka jingmudui jong u Santosh Purushottam Purohit manager jong ka company M/s Garden Court Distilleries Private Limited, Mumbai, na ka jylla Maharashtra pyrshah ia ka jylla Meghalaya halor ka jingshah kyntait noh ia ka tender NIT na ka bynta ban supply ia u shini rashon sorkar sha ka sorkar Meghalaya.
Ka iing bishar ha dien ba kala sngap ia kane ka jingmudi na u muktair jong u nongujor bad kum juh na u muktiar jong ka sorkar Meghalaya kaba la shah ujor, ka iing bishar ba don burom jong ka Meghalaya High Court, ka ong ba kam shym lap ba kan don kano kano ka nongrimhalor kane ka mukotduma, kumta la pynkut noh ia kane ka mukotduma bad ia ka rai kaba la ai haka 25.5.2016 ruh la weng noh.
Ha kane ka jingujor ka mukotduma kaba No.165 of 2016, kala ai ia kane ka jingmudui sha ka iing bishar jong u nongbishar ba don burom u Justice S R Sen lyngba ka muktiar ka P Bhattacharjee bad ka sorkar kaba la shah mudui la mihkhmat da u muktiar HS Thangkhiew.ka iing bishar ha dien ba kala sngap ia ka jingiapyni na kine ki arliang mamla, ka iing bishar kala ong ba u shini rashon jong ka sorkar u dei ban ai sha ki paidbah hapoh jong ka Public Distribution System.
Ka iing bishar kala pynsngew ba dei ban kham pynjanai ia ka rukom sam ia u shini sha ki paidbah dei ban da peit bniah khnang ba ia u shini ban sam um dei ban long u ba tad dor , halor kine kinongrim ka iing bishar kala sngew dei ban ban pynkut noh ia kane ka mukotduma bad wengnoh ia ka rai kaba kala pynmih na kane ka iing bishar kaba la long ha ka 25th Jymmang mynta u snem 2016.
Da kane ka rai jong ka iing bishar kaba don burom la plie ia ka lad na ka bynta ka tand Food and civil supply bad consumer affair department jong ka sorkar ba kan shim noh ia ka rai iano yn ai ia kane ka kam supply shino rashon sha ka sorkar Meghalaya.
