Shillong, Lber 13: Mynta ka sngi ki pulit kila ioh ia ka jingtip ba u ophisar ka tnad khlaw jong ka sorkar jylla bala bat ha ka kyrdan “Chief Conservator of Forest” ba u la pynkut ia ka jingim jong u ha u tyllai phasi ha iing sah jong u ha jan Lady Keane College Shillong.
Ki pulitk kila iathuh ba une u heh sorkar ka tnad khlaw u ba la shim noh ia ka jingim da kaba sien phasi la tip kyrteng kum u N Luikham bala don kumba 50 snem ei ei jong ka Indian Forest Service jong u snem 2003.
Ki pulit kila ong ba u la pynkut iala ka jingim ha u tyllai phasi da kaba teh ia la de ha u tyllai haka por 7.30 baje mynstep ha iing sah jong u kaba dei ka iing sorkar ha jan Lady Keane College Shillong, na ka liang jong ki pulit mar ia ioh ia ka jingtip kila leit bran bran sha katei ka jaka.
Ki pulit kila pynkit ia ka met jong u sha Civil Hospital Shillong ban lei ha kaba don kam, khamtam ia ka Post Mortem katkum ki kyndon ain kaba ki hap ban pyndep na ka liang jong ki pulit.
