Shillong Kyllalyngkot 04: U Chairman ka Khasi Hills Autonomous District Council (KHADC) u bah LG Nongsiej, ula pyllait paidbah iaka Almanak ne Calendar jong ka Council ha ka jingialang kaba la long hynne ka sngi hapoh kamra treikam ka jongu.
Ha kane ka jingpyllait paidbah ia kine ki Almanak la ia don lang ki MDC kiba kynthup ia u bah Donkupar Sumer, bah Victor Rani bad u bah Hadrian Lyngdoh, u Secretary ka Legislative u bah A Shangpliang, u Joint Secetary u bah M Kharkrang bad u Deputy Secretary u bah B Sohtun.
U Bah Nongsiej ula iaroh ia ka jingtrei shitom ki ophisar kiba la lah ban pynbit pynbiang ia kine ki almanak bad u kyrmen skhem ba ki dur ki dar kiba don ha kane ka almanak kan iarap ia kiba bun ban tip shaphang ki jaka kiba itynnad jong ka Ri Khasi.
