Jowai, Naiwieng 14: Kumba ia long lem ki khynnah ha ka ri baroh kawei; ki khynnah die kwai dong ha ka nongbah Jokai ruh kila ioh ban ia shim bynta lang haka sngi ki khynnah kaba la long ha ophis jong ka Society for Urban and Rural Empowerment SURE ha Iingmane ka balang Unitarian, Jowai.
Kuba 14 ngut ki khynnah kiba die kwai dong man ka sngi haka nongbah Jokai jong ka West Jaintia Hills District kila iashim bynta haki prokram babun jait kibala pynkhreh da kane ka Seng. Kine ki khynnah kiba dei tang ki khynnah shynrang ki dei kiba wan na ki nongkyndonjg ba marjan jong ka shnong Jowai bad kumjuh ruh ki khynnah kiba naka nongbah Jowai ruh. Haka jingkren jong ka Pasqualina Lamare kaba dei ka field staff jong ka SURE kala iathuh ba kiba don napdeng jong kine ki khynnah kiba leit skul ha ki skul step bad skul miet bad ki don pat ruh ki ba khlem leit skul ruh.
Uwei pat u staff jong ka SURE u Raj Passah ula iathuh ba kum ban pynkmen ia ki khynnah; naka liang jong ka SURE kala punialeh kiba bun ki jingialehkai bad kine ki knynnah kila kmen ban ioh kum kane ka sngi ban ialehkai namar man la ka sngi kim ju ioh por satia ban ialeh kai namar ba ko bun kam ha kaba die kwai dong.
Ha kane ka sngi nalor kaba pynialehkai ia ki; la ai ja sngi bad kumjuh ruh la ai sngewbha ia kine ki khynnah. Haba iakren bad u Rev H. H. Mohrmen ula ong ba ka SURE kala ju pynlong kiba kum kine ki program man ka snem ia kine ki khynnah.
