Shillong, Naitung 18:Ka Laban ka la khur biang ia ka nam jop ha ka lympung 1st Division Football League kaba la pyniaid da ka Shillong Sports Association (SSA) hadien ba ka pynliem da ar kol la nod pyrshah ia ka Nongkrem hynne ka sngi Thohdieng ha JN Sports Complex, Polo.
Ha ka jingialehkai, ka Laban ka la ioh ia ka kabu ksiar lyngba ka penalty kaba la shut da u M Kharsati ha ka minit kaba 43 ban tam da 1-0 ha ka jingialehkai jong ka kylla step.
Na ka liang ki rangialehkai ka Nongkrem ki la pyshang la ki buit ki bor ban pynphai kylla ha ka kylla miet hynrei kam ioh lad satia katba ka Laban ka thep biang ia ka kol baar ha ka minit kaba 84 ban pynkut syndon ia ka jingialehkai da 2-0 pyrshah ia ka Nongkrem.
Da kane ka jingjop ka Laban ka la khur pura lai point.Mynta ka sngi, ka Pohkseh kan iakhun pyrshah ia ka Laitumkhrah ha ka por 4 baje. (SP News)
