Shillong, Rymphang 07: Mynta ka sngi ka shnong Lawse bad ka KSU kala pynlog ia ka jingiaid paidbah hapoh ka shnong ha ka por mynstep ban pynrem jur ia u Biangkupar Nongsiej bala leh ia kam runar bala pyniap iala ka jong ka kurim jong u na ka shnong Tiehsaw ka kong Saralin Wanniang.
Ha kane ka jingiaid paidbah kaba la iamih da ki paidbah nongshong shnong bad ki dkhot ka KSU kila rah ia ki jingthoh ban dawa ba ia u tei u riew sniew u Biangkupar dei ban set phahtok shirita jingim katkum ki kam kiba u la leh.
Ha kane ka juh ka sngi ruh la pynlong ia ka jingiaid paidbah hapoh ka shnong Tiehsaw kaba ka dei ka shnogn jong ka kong Saralin Waniang bad kane ka jingiid paidbah kaba la long mynta ka sngi kalong ban pynrem jur ia u tei u nongleh ia katei ka kam pyniap briew.
Kane ka jingjia kaba ka long kmie kala shah pyniap da kaba shah mait da ka wait ha la u jong u kurim ha dien ba u la ia shong khlad kala pynsuhjer ia ki paidbah kiba tip ia kane ka jingjia kaba sngewsih bad ka jingpynrem na kiba bun.
Lah ban pynkynmaw ba ha kane ka por ba kane ka jingjia kala lap ia katei ka long kmie ka dei kaba kala pun khun bad la hap ban sei ia khun na kpoh ka kmie bad tep lang ha ka sngi ba pyndep ia ka jingle niam kaba khatduh ia katei kalong kmie bad ikhun.
