Shillong, Iaiong 30: Ka skul bah Martin Luther Christian University bynta ka tnad pule ha kaba ia dei bad ka koit ka khiah kala pynlogn ia ka jingai jingsumar ei ia ki paidbah nongshong shnong ka shnong Nonghali kaba hap hapoh jong ka Mawryngkneng Block, East Khasi Hills, ha ka sngi saitjain.
Ha kane ka jingai jingsumar ei ia ki paidbah nongshong shnong katei ka thain kam dei tang ban ia mir jingmut ha ka koit ka khiah hynrei la pynlong ia ka jingesamin ruh ia ki paidbah kaba kynthup ia ka jingpeit bniah, ia ka snam,ki dak ki shin jong ka jingpang, bad ka jingpeit bniah ia ki khmat da ki nurse na Bansara Eye Care.
Kiba la wan ban ia shim bynta ha kane ka jingsumar ei kiba la wan baroh ki long kumba 200 ngut kynthup ia ki khynnah kiba dang hapoh ka 14 snem ka rta, ia ki dawai baroh la sam ei sha ki briew kiba la wan sha kane ka jingsumar ei. Ia kane ka jingai dawai ei la pynlong da ka seng KFJGP ia kaba la bei da ka NSS jong ka MLCU Unit. Ki doctor kiba la wan sha kane ka jingai dawai ki long u Dr Baname Dr W.D. Waanbah bad Dr. Jyrwa.
