Shillong, Lber 22: Mynta ka sngi ki nonghikai Adhok kiba dei na ka Lower Primary bad Upper Primary, kynthup ia ki Higher Secondary hapoh ka kynhun Federation of Schools Teachers of Meghalaya kila pynlong ia ka jingiaid paidbah na lyndet iing jong u lat ka jylla sha Madan Malki.
Ha kane ka jigniaid paidbah ki nonghikai kila rah ia ki jingthoh, ka dei ban don ka jingsiew kaba mar ka juh ia ka juh ka kam, ngam lah ban trei dem ngon haba ka jingthang ka ban, ka sorkar Meghalaya kam dei ban pynlong ia ki nonghikai kum ki nongkhrong.
Ha kane ka sngi palat spah ngut ki nonghikai kila wan ban ia shim bynta ha kane ka jingiakhih da kaba iaid paidbah ban dawa na ka sorkar ba dei ban pynkiew ia ka tulop jong ki lane kan kyntiew noh ia ki skul sha ka kyrdan deficit.
Ki nonghikai kila ioh ruh ia ka jingbit ba naduh la shai ka sngi kin sdang ia ka jingiakhih da kaba shong kyllain mungor ha khmat ka ophis jong ka MBOSE ban pynsngew sha ka sorkar ia ka jingdawa jong ki la bun bun snem mynta.
