Shillong, Rymphang 10: Ka JSU Labang Nongphyllut kala pynlong ia ka tamasa pynneh pynsah la ka riam tynrai kaba ar sngi ha ka shnong Lamarang Block-1, ha kaba bun bah ki paidbah nongshong shnong kila wan ban ia shim bynta.
Ha kane ka tamsa kaba ar sngi la pyninam ia ki rai tynrai, ki riam tynrai, ki jingiathoh khana pateng, bad kila don ruh ki jingialehkai katkum ka tynrai jong ki ha kine ki ar sngi ha ryngkat ka put ka tem tynrai.
Kiba la wan ban ia shim bynta ha kane ka tamasa kaba ar sngi ki dei na kito ki shnong kiba hapoh ka Elaka Labang Nongphyllut, kane ka tamasa ka long ka jingplie lat ia ki briew ka thain ban pynneh pynsah ia ki riam tynrai.
Shuwa ban sdang ia ka jingpyninam tynrai la sdang ia ka jingialang ha kaba la pyniaid da u samla Elias Lamare symbut president ka Labang Nongphullut, la kren pdiang sngew bah da u samla Ioanis Lin Talang bad ha kine ki ar sngi la don lang ki nongialam ka seng kmie.
Kane ka Tamasa ban pynneh pynsah ia ka riti dustur jong ka thian Labang Nongphyllut ka dei ka sien kaba ar mynta u snem ia kaba la pynlong da ka JSU jong katei ka thain ha kaba ki paidbah kila wan bna ia shim bynta.
