Shillong, Risaw 17: Ka Laitkyrhong Sports Club kum shibynta ban kynmaw burom ia u synniang ubynhei u ba la noh da u wei na ki riew rangbah jong ka Thain uba lakhlad noh na kane ka sla pyrthei uba long ruh ha kajuh ka por uPresident barim jong ka Sports Club ha ka 17thOctober 2016 ka Laitkyrhong Sports Cub ka la pynlong ia ka 1st Bah Korel Khongsngi Memorial Archery Competition 2016 ha madam PdengShnong Laitkyrhong ha ka Lympung kaba iphuh iphieng ha kaba la wanban ia shim bynta shitrhem da ki 62 Tylli ki kynhun na KyllengSawdong jong ka Bri u Hynniewtrep hi baroh kawei.
Iakatei ka Jingiakop siat Khnam la phiah ha ki ar tylli ki bynta kaweika long na ka bynta ka jingiasiat Kynhun (Group) bad kawei pat na kabynta ka jing iasiat para marwei. Ha ka Thup jingiasiat Kynhun(Group) ia ka nam lahduh la iohrah da ka Kynhun ‘LaitkrohSiatlang’ kaba la iohrah ia ka song tyngka kaba long Arphew LaiHajar Tyngka (Rs. 23,000/-) ha ryngkat ka Khusnam katba ka kynhunkaba wan ha ka kyrdan kaba ar la ioh da ka Kynhun na ka Shnong‘Laitryngew’ kaba la iohrah ia ka song tyngka kaba longHynriew Hajar Tyngka (Rs. 6,000/-) ha ryngkat ka Khusnam.
Ha kajingiakop Siat Para Marwei ia ka nam lahduh la iohrah da u Bah HedNongrum na ka shnong Diengsong ha kaba la iohrah ia ka song Tyngkakaba long Shiphew Hajar (Rs.10,000/-) ha ryngkat ka Khusnam katba uBah Distarbok Nongkynrih uba na ka shnong Laitkyrhong u la wan ha kakyrdan ba ar u la ioh rah ia ka song tyngka kaba long Saw HajarTyngka (Rs.4,000/-) ha ryngkat bad ka khusnam.
Nalor jong kiwei pat ki kynrem ki Lyndan, kiba ha ing ha sem jong u BahKorel Khongsngi bam kwai ha dwar u Blei bad kiwei pat ki Nong shahkhot sngewbha ha katei ka sngi la pyn phuh pyn phieng shuh shuh iakatei ka Lympung da ka iadon ryngkat jong u Bah Banteidor Lyngdoh,MDC Mawkynrew Constituency uba la long ruh kum u Kongsan ha katei kasngi. Haba kren kum u Kongsan na ka liang jong u Bah BanteidorLyngdoh u la pynpaw ia ka jingsngewkmen kaba khrawshikatdei eh ban ia don ryngkat ha kaba kum kane ka sngi ban sakhi iaka Sap Siat Khnam jong ki Rang Ia Siat kiba la ia wan ban iashimbyntaym tang na ka Thain jong ka Mawkynrew Constituency hynrei na kylleng ki bynta jong ka Bri u Hynniewtrep hi baroh kawei ban pynneh ia kaneka Snap Tynrai jong u khun Khasi Khara ia kaba la ju Niewtang badTyngkai naduh ki por uba rim uba jah ban pynjanai iala ka jong kaThymmei ban don iaka Mynsiem Iakhun ka Mynsiem Ialeh hapdeng jong ngiki Longmynta ban saindur ia ka Lawei jong ka Jaitbynriew. Shuh shuhna ka liang u Bah Banteidor Lyngdoh u la ong ba ka long ka burom kabakhraw ia ka Ing ka Sem jong u Bah Korel Khongsngi, Bam Kwai ha Dwar uBlei namar ki dienjat kiba une u riew rangbah u la iehnoh ha kiLongmynta ia kaba yn kynmaw pateng la pateng khlem da khein Dewthalanoh ha kaba ka Laitkyrhong Sports Club kala leh ia kaba dei eh hakane ka kynti kaba mynta kum ka Dak jong ka jingkheinkor ia une uRiewrangbah u la long ka Nongmuna “Ban Im ka Kyrteng, Sah kaNam”.
Iala jingialang ha katei ka sngi la pyniaid da u Bah Relingstar Rynjahuba long ruh u General Secretary jong ka Laitkyrhong Sports Club haka u la ai Khublei kyrpang khamtam eh ia u Bah Banteidor Lyngdoh MDCjong ka Thain u ba la kloi ban shu noh synniang ia ki jing donkam hakatei ka Lympung namar ba kum ka Sport Club ka don ia ka jingangnudban kyntiew nam bad ban kynmaw burom ia u Bah Korel Khongsngi, BamKwai ha Dwar u Blei uba la long uwei na ki Nong prat lynti ym tang iaka Laitkyrhong Sports Club hynrei khamtam eh ia ka Shnong ka Thaw badia ka Thain hi baroh kawei, shuh shuh u Bah Relingstar Rynjah u laong ba ki Jing thmu bad ki jing angnud jong ka Laitkyrhong SportsClub kin ym lah ban urlong satia Khlem ka kti ka mon ka kti ka diangbad ka Mynsiem kaba kylluid jong u Bah Banteidor Lyngdoh uba long ymtang u MDC jong ka Thain hynrei uba long ruh uwei na ki Khundapshynrang jong ka Bri u Hynniewtrep uba ju buh ia ka Jaitbynriewhakhmat eh ha ki khep baroh.
Hakatei ka sngi la ia don ryngkat ruh da u Bah Andra Rynjah, RangbahShnong Laitkyrhong, u Bah Shonroy Rynjah Secretary ShnongLaitkyrhong, bad Bah Dengbok Kurkalang bad kaba kham pyn phuh mutphuh mat ia ki Nongiashim bynta bad ki Nongwan sakhi ia katei kaJingiakop Siat Khnam ka long da ka Jingiadon ryngkat jong i MeiduhKudbon Rynjah iba long i Kurim jong u Bah Korel Khongsngi, Bam Kwaiha Dwar u Blei, La ioh ruh ia ka jingkren kyrpang na u Bah Iolet StarRynjah uba long u Khun Rangbah jong ka ing ka sem jong u Bah KorelKhongsngi, Bam Kwai ha Dwar u Blei.
