Shillong, Lber 26: Ka Mawlai Cleaner Association ha ka sngi u Blei jong ka taiew ka la pynlong ia ka Football Penalty Shootout Tournament ha madan Shillong Polytecnic . Bad ha kane ka jing ialehkai penalty la wan ia shim bynta da ki samla kylleng , bad ruh la pyniphuh iphieng ia kane ka sngi da ki nongwan peitkai ia kaba la pynshongshit ia ki nong ia shut ball. Bad ha kane ka jing ia lehkai ka Pyngrope FC Ka la ioh rah ia ka nam jop da kaba ka la pynliem ia ka MCB FC Mawdatbaki bad ruh kane ka kynhun ba jop ka la ioh ban rah ia ka song pisa kaba 8000 tyngka bad momento ka nam ba ar pat ka la ioh ia ka song pisa kaba 6000 tyngka lem bad momento.
Ha kane ka sngi la ioh jing kren na u bah Barthol sohlang u ba long u secretary jong ka Mawlai Cleaner Associaton ha ryngkat ka jing ia donlang bad ki dkhot ha ka jing kren ka jong u , u la ong ha man ki jingialehkai ju don kiba jop bad kiba rem bad wat la katta ruh u la ai mynsiem bad ai ka jingiaroh namar ka Mawlai Cleaner Association ka leh ia kaei kaei kaba bha ha ban kyntiew ia ki riew donsap jong ka shnong ha ka jingialehkai bad ula ai khublei ruh ia ki rangialehkai kiba la ia shim bynta ha kane jingialehkai bad ai mynsiem ba kin iai bteng ia ka jingialehkai ba kin dang kiew kham shalor ha ki jingialehkai bad kumjuh ruh ka jingialehkai ka iarap ruh ia ka jingkoit jingkhiah bad kaba pynlait ruh na ki jingsniew.
Ia kane ka jing ia lehkai la ioh jing iarap na ka ophis u DSO East Khasi Hills lyngba ka Districk Sport Promotion Society Sceme ( DSPS ) Ha ka juh ka por ruh ruh na ka liang ka seng ka kyntu ia ki nong ia shim bynta ryngkat ki paidbah nong peitkai ba kim dei ban bret jakhlia ha ki surok lane ha iing ha sem namar ka wanrah ia ka jing jaboh bad ka jing pang jing shitom , na ka liang ka seng ka la kyntu ia ki kmie ki kpa ba ki dei ban hikai ia ki khun khnang ba kane ka jing khuid jing suba kan long ka pateng jong ki hadien ha bud.
