Shillong, Lber 05: Mynta ka sngi ka ophis jong ka Commissioner of Persons with Disabilities abd ka Meghalaya Urban Development Authority (MUDA) mynta ka sngi kila pynlong ia ka jingpynshai paidbah ha kaba ia dei bad ka hok jong kiba don jingduna ha dkhot met.
Kane ka jingpynshai ka long katkum ka ain Rights of Persons with Disabilities Act 2016 ha kaba ia dei bad ka leit ka wan jong ki lyngba ki kali, la ka long ha ki Bus ne ki Taxi bd ki kondaktor jong ki bus.
Ia kane ka jingialang la pynlong ha U Soso Tham Auditorium, Shillong. Ha kaba u bah I.W Ingty, Secretary, Social Welfare Department la long kum u kongsan ha kane ka jingialang ban ia kren ia ki hok jong ki ba duna ha ki dkhot met.
