Shillong, Kyllalyngkot 09: Ha dien ba la shong bishar bniah, ka sorkar kala pynmih ia ka hukum ba mynta la lah ban sign hi ia ki kot bad ban pynithuh hi da lade ia lade, ha ka jaka ban leit phah sign ha ki Gazetted Officers bad kiwei, ban pynithu hi ia lade ha ka jaka ban leh da ka Afidavit.
Kane ka long katkum ka jingpyntip jong u Commissioner bad Secretary jong ka sorkar Meghalaya ba dei peit ia ka Personnel bad Administrative Reforms Cell.
Kane ka jingailad ia ki paidbah ba ki lah ban sign hi ia ki kot ki sla kan long tang na ka bynta ban ioh rung skul, ha ki class rit, ha ki Secondary bad Higher Secondary, ha ki certificate ba leit na kawei ka jaka sha kawei pat ki skul kum na ka Secondary bad Higher Secondary, ban pynbeit ia ki certificate, ki marksheet, ki admit card jong ka Secondary bad Higher Secondary.
Kane kan long ruh na ka bynta ban pan ia ki marsheet, ki admit card jong ka Secondary bad Higher Secondary, kane lah ban leh ruh na ka bynta kito kiba pat shong kurim, kiba khlem pat ioh kam , ka baibam tynmen, ka certificate na ka bynta kito kiba la shong thiat ban ioh bai bam tynmen ba ki lah ban ai sha ki bor ba dei peit ban sam ia ka bai bam tynmen, sha ki branch manager bad ban kam ia kabai dawai ruh lada kila pynjah ia ki kot ki sla.
Haba ia dei bad kane la maham ruh ba lada don mano mano ba leh bakla ban pynithuh ia lade da ka jingthok kaba bakla ki lah ban shan ngat ha ka jingpynshitom jong ka ain kaba tyngeh.
