Shillong, Jylliew 06: U myntri ka tand kam khlaw u Bah Prestone Tynsong haba kren kum u kongsan ha ka jingrakhe ia ka sngi pynneh mariang ia kaba la pynlong da ka ophis jong u Deputy Commissioner East Khasi Hills ha ryngkat ka Basin Development Unit jong ka East Khasi Hills District ha Moreau Institute of Integral Training, Shillong, u la ong ba pynneh ia ka mei mariang ban im u khun bynriew.
Ha kane ka sngi u la ban jur ruh ba dei ban iada ia ki mrad khlaw na ka jingiakhaii beain , u la kyrpad ba dei ban iada ia ki, ha kane ka sngi kila don ruh ki khynnah skul bad ki samla pule na ki college, u la ong ba don kam ia ka jingthung dieng ha ki skul ki shnong ki thaw.
U la ong ba kane ka jingkylla kynsan ka mariang ha ka pyrthei ka long kaba ma bad ban iada ia ka don kam ban thung dieng u la ong ba kumba ka long mynta sawphew tylli ki khlaw la pynbna ba ki dei ki khlaw paidbah kane ka long ban iada na ka jingpom pathar ia ki dieng ki siej.
Kiwei kiba la kren ha kane ka sngi ki long u Dr. S. Ashutosh, Additional PCCF bad Additional, CEO, MBDA, Bah P. S. Dkhar, Deputy Commissioner bad Chairman BDU, East Khasi Hills. Kiba la ia don ha kane ka sngi ki long ki heh sorkar na kiwei kit and sorkar ruh kum juh. La don ruh ka jingthung dieng ha kane ka sngi.
Ia kum kane ka jingrakhe la pynlong ruh ha South West Khasi Hills District ha kaba ka Deputy Commissioner jong ka Mawkyrwat ka kong R. Lyngdoh, kaba bat ruh ia ka kam Chairman jong ka Basin Development Unit jong ka tei ka district la pynlong ia kum kane ka jingialang ha Multipurpose Hall, jong ka ophis Deputy Commissioner jong ka Mawkyrwat.
