Shillong, Kyllalyngkot 13: Ka seng kur Lyngdoh Mawphlang ka pynrem jur ia kito ki runar kiba la shim noh ia ka jngim jong u Bah Edwin Lyngdoh Mawphlang ha ka 11 tarik mynta u bnai, na ka liang jong ka seng ka pynpaw ia ka jingsngewsih kaba jur halor kane ka jingjia ba sngewsih.
Na ka liang jong ka kur ka pynpaw ia ka jingsngewlem sha ka kurim bad ki khun jong u Bah Edwin u ba la khladnoh ha kane ka rta kaba u dang khynnah. Na ka liang jong ka kur ka duwai ba u blei un ai ka jingjah thiat ia ka mynsiem jong u.
Ha ka juh ka por ka kur ka dawa na ki bor jong ka ain khamtam ia ki pulit ba kin thwet tyngeh ia ki nongleh kam sniew bad dei ban pynshitom ia ki katkum ka ain ia kineki briew kiba don kti ha kaba shim noh ia u Bah Edwin bad dei ban pynsaja ia ki katkum ka ain.
