Shillong, Nailar 17: Ka long kaba sngewsih, bad ngi pynrem jur ia ka jingthoh lamler jong u myntri ka sorkar pdeng U Dr Jitendra Singh ha ka fb page kaba u la post ba ‘IA U SYIEM TIROT SING LA PHASI DA KI PHARENG’.
Kane ka pynpaw ba U ne u myntri ka sorkar pdeng u la wan iuh kjat ha ka shnong ba la kha ia u syiem tirot sing, khlem da dong ka jingshemphang shaphang kaei kaba la jia. Ka seng ka pynrem jur ia kane ka jingleh jong une u myntri u ba la pyrshang ban pynthoh bria ia ka history jong ka jaitbybriew jong ngi. Ngim pdiang bad ngim lah ban ailad kum ia kine namar ka lah ban ai mynsiem ia kiwei ki ba dang wan.
Ngi dawa ia u Dr Jitendra Sing ba u dei ban pan map lymba ki lad pathai khubor bad u dei ban pynbeit ia kaei kaba u la kren.
