Shillong, Nailar 17: Ka St Joseph Balang katholik Mawbsein ka la leh ia ka nuksa ba bha tam lyngba u Rangbah Balang bah Albinus 
Nongrum ban pyn shna da ka iing ia ki lai ngut shipara ki kynthei suda ki khun swet ha pdeng ka jing eh kaba bun kila trei shitom ban pyn dep ia ka jing pule.
Da ka jingkmen ki jaw ka ummat ba kim poi pyrkhat ba ka balang kan pyn shna iing ia ki. Kine ki lai ngut ki kyrteng kiba la ioh pdiang ia kane ka iing mynta ka sngi ki long ka Darihun Mukhim la dep pule MTET, ka Ribhalin Mukhim12 pass, ka Brodalin mukhim BA pass.
Ha kane ka sngi la plie ia kane ka iing da ka jing kyrkhu u lyngdoh sohblei ka parish mawbri Fr Balestine Marbaniang parish priest Fr Lukas Thongni Asst parish priest ha ka jing iadon lang u president seng long kmie balang katholik mawbsein kong Florin Lyngdoh,bad ka secretary kong Christina Synnah,u Rangbah Shnong u la aiti ia u shabi sha kine ki lai ngut shi para ba naduh mynta ka sngi la dei ka iing ka jong ki.
Ka Confederation Of Ribhoi People (CORP) kala noh synniang da ki tiar tiar bad ki marbam lyngba u Rangbah Shnong ba la pyntip sha ka seng daki tiar iing bad ki marbam kat kaba lah sngew synei ia ki khun samla ka dong ka thain.
