Shillong, Nailur 08: Ka Khasi
Students Union Myn haka sngi saitjain ba la lah ka la ioh ban pynthymmai biang iaki nongkitkam thymmai ka KSU Mynksan Unit.
Hakane ka jingpynshkem iaki nongkitkam thymmai , lawan ban pynbamsmai da u Samla Shemphang Lyngdoh Secretary ka Litigation Cell Central Body.
Haba ai jingkren haka jingialang, u Samla Shemphang Lyngdoh u la ong ba ka KSU ka donkam iaki samla kiba shlur bad kiba len ialade naka bynta ban iakhun ha kino kino ki khep kiba ka Seng ka donkam.
Haba ai jingkren shaphang ka jingma iaka jaitbynriew naka jingwan tyllep ki mynder Ri u Samla Shemphang Lyngdoh ula ong, “Ka Seng KSU hi ka juh bud ryntih iaki mat ne ki nongrim kiba ki Nongialam barim ki la ieng.
Naduh ki Nongialam barim jong ka Seng ruh ki la pyrshah iaka jingthmu wanrah iaka Lynti rel shapoh ka Bri U Hynniewtrep bad wat hakine ki nongialam ba mynta ruh hapoh ka jingialam u Samla Lambok Marngar bad Samla Donald Thabah ki la ieng haka juh ka nongrim ban pyrshah iaka lynti rel halor ka nongrim ba lada wanrah iaka lynti rel la tikna kan buh jingma iaka Jaitbynriew ritpaid jong ngi”
“Ka Jaitbynriew Khasi jong ngi kadei kaba tang shitroh kumta lada wan ki bar jylla tang shi phew tylli ki rel, khlem pep ka Jaitbynriew jong ngi kan shah tyllep bad kylla ritpaid(minority) noh syndon wat hala ka ri lajong ruh” la ong u samla Shemphang Lyngdoh.
Haba pynshlur iaki samla ban mih shakhmat ban iakhun iaki daw bah ka Jaitbynriew, U Samla Shemphang u la ong “Ba haba ngi long kita ki shipai ka Jaitbynriew ngim dei ban tieng iaka Ain, hynrei ngi dei ban tieng ioh ba kan jah ka Jaitbynriew jong ngi” .
Ha kane ka jingpynthymmai ia ki nongkit kam ka KSU Mynksan Unit, la jied president ia u samla Da o Wanhi Law, Vice President samla leibhathrang I Law, General Secretary samla Romania Dkhar nalor jong kine la jied ruh sa san ngut kiwei ki nongkit kam bad phra ngut ki dkhot.
Ha Katie ka sngi la ia don lang ruh u Samla SS Niangti Finance Secy KSU Jaintia Hills, Samla Cherity Suja General Secy KSU Jaintia Hills, Samla Rueben Najiar Asst Education Secy KSU Central Body bad kiwei ki wei ki dkhot bad nongialam ka KSU bad ia ka jingialang la da u samla Balawan Suchiang President ka KSU Laskein Circle.
